Þorgerður Katrín Gunnarsdóttir utanríkisráðherra sendi erlendum ráðamönnum sem fögnuðu niðurstöðu þjóðaratkvæðagreiðslunnar um aðildarviðræður við Evrópusambandið pillu í ræðu sinni eftir stefnuræðu forsætisráðherra á Alþingi í kvöld.Þorgerður sagði þjóðaratkvæðagreiðsluna ekki snúast um hvernig Ísland ætti að vera; Ísland yrði áfram frjálslynt og umbótasinnað Evrópuríki.„Og við þau sem fögnuðu sérstaklega niðurstöðunni erlendis: Le Pen og Farage, Salvini og þingmenn AfD öfgaflokksins í Þýskalandi, sem eru reyndar skoðanasystkini sumra, ákveðinna stjórnarandstöðuþingmanna hér inni, við þau vil ég segja: Þið fáið ekki að skilgreina fyrir hvað íslenska þjóðin stendur. Niðurstaða þjóðaratkvæðagreiðslunnar breytir hvorki gildum okkar Íslendinga né áratuga utanríkisstefnu okkar.“
