Ingibjörg Þorsteinsdóttir, dómari við Landsrétt, hefur vikið úr sakamáli eftir að ummæli hennar við aðalmeðferð þóttu geta vakið efasemdir um óhlutdrægni hennar. Málið varðar mann sem Héraðsdómur Reykjaness sakfelldi fyrir frelsissviptingu, kynferðisbrot, stórfellda líkamsárás, hótanir og fleiri brot. Hann var dæmdur í tveggja ára og sex mánaða fangelsi.
