Hæglætisveður tekur við landsmönnum víðast hvar að morgni þessa þriðjudags. Þó gæti rignt aðeins á fólk norðaustan og austan til fram yfir hádegi og síðdegis gæti rignt aðeins á fólk sunnanlands.Veðurspáin er svohljóðandi:Norðan 5-10 metrar á sekúndu austast á landinu, en annars hægari breytileg átt. Dálítil rigning eða súld norðaustan- og austanlands fram yfir hádegi, annars víða bjart, en síðdegisskúrir syðst. Hiti 7 til 14 stig, en 4 til 9 stig austanlands. Allvíða líkur á næturfrosti á Norðaustur- og Austurlandi.Austanátt á morgun, allhvass syðst undir kvöld, annars mun hægari. Skýjað, en fer að rigna sunnantil, rigning seint annað kvöld. Hlýnandi veður.
