„Ég hef svo lengi verið að fela mig og þykjast vera einhver sem ég er ekki. Þetta er í fyrsta skipti sem ég næ að losa um það. Eina sem ég sýndi á samfélagsmiðlum var bara ég í ræktinni og að borða einhverjar geggjaðar máltíðir. Fólk sér ekki þegar ég er andvaka á næturnar og langar ekki að lifa,“ segir hinn þrítugi Anton Ísak Óskarsson sem hefur ýmsa fjöruna sopið. Hann missti föður sinn fyrir fimm árum og við tók gríðarlega erfitt uppgjörstímabil, sem er enn í gangi.
