Aðeins nokkrum dögum áður en réttarhöld áttu að hefjast yfir Abu Agila Mohammad Kheir Al-Marimi í Bandaríkjunum hefur þeim verið frestað. Þetta er í þriðja sinn sem það gerist en hann er sakaður um að hafa sett saman sprengjuna sem grandaði þotu bandaríska flugfélagsins Pan Am yfir bænum Lockerbie í Skotlandi árið 1988.Réttarhöldunum hefur verið frestað fram í janúar vegna þess að á föstudag 21. ágúst komu fram ný sönnunargögn.Verjendur Al-Marimi segja að hvorki þeir né saksóknarar hafi vitað af „nýuppgötvuðu sönnunargögnunum“ og þeim beri skylda til að kynna sér þau og rannsaka. Þetta þýðir að dómur fellur líklega ekki fyrr en næsta vor.Í nærri fjóra áratugi hafa aðstandendur þeirra sem létust beðið eftir því að sannleikurinn verði leiddur í ljós. Al-Marimi hefur verið í haldi í Bandaríkj
