Jarðskjálftahrina er hafin við Reykjanestá. Það var á fimmta tímanum í nótt sem jarðskjálftum tók að fjölga og um klukkan sex varð skjálfti sem mældist af stærðinni 2,6. Jarðskjálftahrinur eru algengar á Reykjanesi.RÚV / Grétar Þór SigurðssonMinney Sigurðardóttir, náttúruvársérfræðingur á Veðurstofu Íslands, áréttaði í samtali við fréttastofu í morgun að skjálftarnir kæmu til af völdum flekahreyfinga og að hrinur væru algengar á þessum slóðum.
