Vísindamenn Íslenskrar erfðagreiningar hafa sett saman fyrsta íslenska fjölerfðamengið, eins konar kort sem gefur nákvæmari mynd af breytileika í erfðaefni Íslendinga en áður hefur þekkst. Aðferðin greinir sex prósentum fleiri erfðabreytileika og hefur þegar leitt í ljós áður óþekktan breytileika sem margfaldar líkur á að greinast með Parkinsonsveiki fyrir sextugt.
