Lögreglan á Norðurlandi vestra stöðvaði bíl við hefðbundið umferðareftirlit á fimmtudagskvöldið síðastliðið. Bíllinn var stöðvaður vegna gruns um of hraðan akstur. Í bílnum voru þrír erlendir ríkisborgarar og bara einn gat framvísað skilríkjum.Við nánari athugun kom í ljós að mennirnir höfðu ítrekað komið við sögu lögreglu undanfarnar vikur og voru meðal annars grunaðir um þjófnað.Mennirnir voru handteknir og bifreiðin færð á lögreglustöðina á Blönduósi. Í henni fannst töluvert magn af meintu þýfi, meðal annars skartgripir og peningar.Á Blönduósi var mönnunum birt ákvörðun Útlendingastofnunar um að vísa þeim úr landi og að þeir skyldu sæta sjö ára endurkomubanni til landsins. Héraðsdómur Norðurlands vestra samþykkti að mennirnir skyldu sæta gæsluvarðhaldi í allt að þrjár vikur eða þar til
