Byggingaverkamenn fundu gull við endurbætur á byggingu í borginni Dendermonde í Belgíu. Gullið er metið á níu milljónir evra og var í kistu sem var múruð inni í vegg í kjallara hússins. Mennirnir höfðu samband við hjálparsamtök sem eiga húsið og lögreglu. Geert Hillaert, framkvæmdastjóri samtakanna, segir að sig hafi rekið í rogastans við fundinn sem hefði verið óvæntur.Lögreglan tók gullið í sína vörslu og flutti það á öruggan stað. Ekki liggur fyrir hvaðan gullið kom eða hver eigi það lagalega séð.Geert Hillaert segir að hjálparsamtökin alls ekki farin að gera ráð fyrir að gullið sé þeirra eða farin að velta fyrir sér hvað gera eigi við gullið. Eins og er séu forsvarsmenn hjálparsamtakanna fyrst og fremst að meðtaka þessa ótrúlegu uppákomu, segir hann. Samtökin séu sérstaklega ánægð með
