Vefsíðan Kira Ísland hefur undanfarið birt fjölda auglýsinga á Facebook, ætlaðar Íslendingum, og sagst selja vörur, aðallega græjur fyrir heimilið og garðinn. Auglýsingarnar hafa nú verið fjarlægðar af Facebook. Kona sem keypti tvær ryksugur á síðunni fyrir rúmum tveimur vikum hefur enn ekki fengið þær afhentar. Hún hefur sent fyrirspurnir og leitað skýringa á þessu, en engin svör fengið.
