„Ég ætla að nýta þetta ár í að hlaða batteríin, læra nýtt tungumál og sjá hvaða tækifæri eru í boði í nýju landi,“ segir fréttakonan Urður Örlygsdóttir sem landsmenn kannast eflaust flestir við af skjánum. Urður hefur í áraraðir starfað við fjölmiðla hérlendis og undanfarin ár verið í Kastljósi og kvöldfréttum hjá Rúv. Nú í ágústbyrjun tóku við miklar breytingar í hennar lífi þegar hún flutti með fjölskyldu sinni til Stokkhólms.
