Lögregla verst allra fregna af manndrápi á Kársnesi í Kópavogi í gær. Nágrannar sem fréttastofa talaði við segjast hafa séð tvo dökkklædda menn koma út úr bíl í götunni og ganga að húsinu. Um fimmtán mínútum síðar hafi lögreglan verið komin á vettvang.Lögregla vildi hvorki staðfesta hvort hinn látni væri íslenskur eða erlendur ríkisborgari eða hvort hann hafi búið í húsinu eða verið aðkomumaður.Í tilkynningu í gær segir að maður hafi orðið fyrir alvarlegari líkamsárás og látist síðar á Landspítalanum. Nokkrir voru handteknir, einn skömmu eftir atvikið og nokkrir til viðbótar í aðgerðum í austurhluta Reykjavíkur.Lögreglan segist ekki hafa tekið ákvörðun um hvort óskað verði eftir gæsluvarðhaldi yfir þeim handteknu.
