Danijel Dejan Djuric gæti verið á förum frá KA fyrir gluggalok. Samkvæmt heimildum hefur KA fengið fyrirspurnir um Danijel en það hefur ekki fengist staðfest þar sem forsvarsmenn KA hafa ekki svarað símtölum Fótbolta.net. Danijel er 23 ára sóknarsinnaður miðjumaður sem KA keypti dýrum dómi frá króatíska félaginu NK Istra fyrir tímabil. Innkoma hans í liðið hefur þó verið undir væntingum en hann hefur spilað 18 deildarleiki án þess að skora en lagt upp þrjú mörk.
