Undanfarin ár hefur skapast hefð fyrir því að gera þætti sem sendir eru út í tilefni Hinsegin daga í Reykjavík. Í ár verður nýr taktur sleginn í þættinum. „Við ætlum að bjóða upp á skemmtiþátt í stúdíói, kvöldstund í sjónvarpssal og vera með tónlist og góða gesti í sófa,“ segir Siggi Gunnars í samtali við Jóhann Alfreð á Hljóðvegi 1 á Rás 2.„Þátturinn heitir Undir regnboganum og við ætlum að sameinast undir honum í gleði,“ segir Siggi en yfirskrift Hinsegin daga í ár er einmitt Sameinumst undir regnboganum.Þátturinn „Undir regnboganum“ verður á dagskrá RÚV í kvöld kl. 19.45. Það er Siggi Gunnars sem hefur umsjón með þessum skemmtiþætti þar sem góðir gestir koma í sófann og boðið verður upp á fjölbreytt tónlistaratriði.Meðal þeirra sem koma fram eru Páll Óskar og Benni Hemm Hemm en samstarf
