Á Vestfirska fornminjadeginum sem haldinn er í Súgandafirði sagði Margrét Hrönn Hallmundsdóttir, fornleifafræðingur og staðarhaldari á Hrafnseyri við Arnarfjörð, frá því hvað þrjú byggkorn segja okkur um hvenær landnám hófst á Vestfjörðum. Hún saknar þess að ekki fáist meira fjármagn í fornleifauppgröft í fjórðungnum.Margrét stýrir fornleifarannsókninni Arnarfjörður á miðöldum. Í skálanum sagði hún frá þremur byggkornum sem komu úr gólfinu á skála á Auðkúlu. Þau fóru í aldursgreiningu í Bradford-háskólann í Bretlandi. NOKKUR KORN AF BYGGI GEYMA LANGA SÖGU „Fornleifauppgröftur er bara toppurinn á ísjakanum og eftirávinnsla er stærsti hlutinn,“ segir Margrét. Kornin fundust þegar hún „fleytti“ jarðveg úr gólfi skálans. Hann fer í fötu og vatni hellt á svo að lífrænar leifar af mat, skordý
