Úkraínumenn segjast ekki hafa beint dróna af ásettu ráði að Búlgaríu. Búlgörsk stjórnvöld segja dróna af tegund sem Úkraínuher noti mikið hafa hafnað nærri gasleiðslu í landinu nálægt rúmensku landamærunum.Utanríkisráðherra Búlgaríu hefur kallað sendiherra Úkraínu á sinn fund. Þær munu funda á mánudag, að sögn aðstoðarmanna þeirra.Úkraínsk stjórnvöld hafa ekki svarað því beint hvort dróninn hafi verið úkraínskur, en í yfirlýsingu frá talsmanni utanríkisráðuneytisins er tekið fram að Úkraínuher hafi ekki vísvitandi beint drónum, eða öðrum vopnum, að Búlgaríu.„Við erum í nánu sambandi við Búlgari til að skýra aðstæður,“ er haft eftir Georgiy Tykhyi, talsmanni utanríkisráðuneytisins, í frétt AFP.Nokkuð hefur verið um það að drónar úr stríði Rússa og Úkraínumanna hafni innan lögsögu nágrannarí
