Hans Grundberg, sérstakur erindreki Sameinuðu þjóðanna fyrir Jemen, varar við að umfangsmikil átök brjótist þar út að nýju í fyrsta skipti frá því viðkvæmt vopnahlé komst á í borgarastríðinu árið 2022. Spennan tók að magnast í júlí þegar stjórnarherinn gerði loftárásir á flugvöllinn í höfuðborginni Sanaa, sem uppreisnarsveitir Húta ráða yfir. Þá lýstu Hútar yfir hafnbanni á sádiarabískar hafnir. Síðan hafa Hútar ráðist á olíuflutningaskip á Rauðahafi og hert árásir sínar á stjórnarherinn. Sádar eru lykilbandamenn Bandaríkjanna í Mið-Austurlöndum og hafa frá árinu 2015 farið fyrir fjölþjóðaher sem styður stjórnarherinn í Jemen. Hútar gerðu í gær flugskeytaárás á Sádi Arabíu þar sem ellefu almennir borgarar særðust. Tíðindi bárust einnig af því í gær að uppreisnarsveitir Húta hefðu drepið tu
