Víkingur heldur áfram að þétta raðirnar fyrir lokasprettinn í Bestu deild kvenna því Thea Rhode er komin til félagsins frá FC Kaupmannahöfn í Danmörku. Rhode er framherji sem er fædd 2003. Hún hefur einnig verið hjá AaB, AGF, Fortuna Hjörring og B93. Hún á að baki leiki með U19 landsliði Danmerkur og skoraði eitt mark fyrri hluta árs þegar FCK tryggði sér sæti í dönsku úrvalsdeildinni.
