Ellefu leikmenn og einn þjálfari í Bestu deildinni munu taka út leikbann í 18. umferð deildarinnar sem spiluð verður á sunnudag og mánudag. Eins og greint var frá síðasta laugardag komu sex sér í bann í Þjóðhátíðarleiknum og sex til viðbótar bættust svo við í liðinni umferð. Fjórir fengu rauða spjaldið í liðinni umferð og átta fara í bann út af uppsöfnuðum spjöldum.
