Rannsókn lögreglu vegna andláts í Kópavogi í liðinni viku miðar vel að sögn E. Agnesar Eide, yfirlögregluþjóns rannsóknarsviðs Lögreglunnar á höfuðborgarsvæðinu. Karlmaður á fimmtugsaldri var í dag úrskurðaður í fjögurra vikna gæsluvarðhald vegna málsins. Hinn látni var á sjötugsaldri og tengjast mennirnir fjölskylduböndum, samkvæmt heimildum fréttastofu. Mennirnir eru báðir íslenskir.
