Netverslunarrisinn eBay hefur samþykkt að greiða hjónum í Massachusetts tæplega fimmtíu milljónir Bandaríkjadala, um sex milljarða íslenskra króna, í bætur eftir að fyrrverandi starfsmenn fyrirtækisins beittu þau skipulagðri áreitni og sendu þeim nafnlausar sendingar, meðal annars lifandi kakkalakka og köngulær, sorgarkrans og blóðuga svínagrímu.
