Franska lögreglan hefur endurheimt 2.500 ára gamalt hálsmen úr skíragulli sem stolið var úr Pays Châtillonnais-safninu í Búrgund-Franche-Comté-héraði á föstudag. Einn hefur verið handtekinn í tengslum við rannsókn málsins. Þetta kom fram á blaðamannafundi Catherine Pégard, menningarmálaráðherra Frakklands, í gær þegar hún kynnti nýja öryggisstefnu fyrir opinber söfn.Þjófnaðurinn sem átti sér stað á föstudagsmorgun var mikið áfall fyrir safnafólk í Frakklandi. Hálsmenið, sem vegur 480 grömm og er úr 24-karata gulli, fannst við fornleifauppgröft nærri þorpinu Vix árið 1953. Það er talið vera frá sjöttu öld fyrir Krist og hafa tilheyrt keltneskri prinsessu.Í fornleifauppgreftrinum fundust einnig grískur vasi frá sama tíma og silfurvasi sem er sá elsti sem fundist hefur norðan Alpafjalla.Á fun
