Lögreglan í Berlín hefur birt mynd af manni sem er grunaður um að hafa ekið inn í hóp fólks í grennd við gleðigöngu hinsegin fólks í borginni í gærkvöld.Í tilkynningu lögreglu segir að maðurinn heiti Abdul B. og sé 21 árs. Hann er talinn tengjast hópum íslamista. Einn er látinn og sextán særðust, þar af nokkrir alvarlega, eftir að bíl var ekið á hóp fólks í Tiergarten-garðinum. Þar finnst bíllinn mannlaus. Svo virðist sem gerandinn hafi ekið á tré áður en hann hljóp á brott.Lögreglan greindi frá því í morgun að nokkrir hefðu verið stungnir í árásinni.Þúsundir lögreglumanna taka nú þátt í víðtækri leit að manninum. Hún varar við því að hann gæti verið vopnaður. Notast er við þyrlur og hitamyndavélar við leitina.
