Einn lést og um 15 slösuðust eftir að bíl var að öllum líkindum ekið á mannfjölda í gleðigöngu í Berlín í dag.Lögregla telur að ökutæki hafi verið ekið inn í Tiergarten-garðinn í Berlín og hafi mætt nokkrum einstaklingum og slasað þá. Ökumanns bílsins er enn leitað en samkvæmt AFP-fréttastofunni fannst bíllinn yfirgefinn.Talsmaður lögreglunnar, Florian Nath, sagði að sumir þeirra sem lifðu af væru alvarlega slasaðir. Þeir fengu aðhlynningu hjá viðbragðsaðilum.Gleðigöngunni var aflýst og lögreglan bað þátttakendur um að yfirgefa viðburðinn. Svæðið þar sem fólkið slasaðist hefur verið innsiglað.Fyrr um daginn tóku hundruð þúsunda manna þátt í viðburðinum, sem í Þýskalandi er kallaður Christopher Street dagurinn.
