Einn mánuður er liðinn frá einum mestu hamförum í sögu Venesúela.Þann 24. júní urðu tveir jarðskjálftar með skömmu millibili sem urðu til þess að hundruð húsa hrundu til grunna. Yfir fimm þúsund manns létu lífið og tugþúsunda er enn saknað. Talið er að tæplega tuttugu þúsund séu heimilislaus. Maður sem missti bæði börn og barnabörn í skjálftunum hefur leitað þeirra á hverjum degi í heilan mánuð.Talið er að tjón vegna skjálftanna tveggja í Venesúela nemi um tuttugu milljörðum bandaríkjadala. Kostnaður við uppbyggingu yrði líklega hátt í fimmtíu milljarðar sem tæki langan tíma að greiða, sér í lagi eftir að Venesúela missti stóran hluta olíutekna sinna þegar Bandaríkjaher handtók Nicolas Maduro forseta í byrjun árs.
