Bandaríkin leggja nýja innflutningstolla á vörur frá 85 ríkjum frá og með morgundeginum. Stjórn Donalds Trumps sakar ríkin um að hafa ekki gert nóg til að sporna gegn nauðungarvinnu í framleiðslu. Tollarnir verða á bilinu 10–12,5%. Í tilkynningu stjórnvalda segir að tollarnir verði lagðir á 60 viðskiptalönd. Inni í þeirri tölu er Evrópusambandið, með sín 27 aðildarríki, og svo er litið á Hong Kong og Kína sem tvö ólík viðskiptalönd. 99,4% af öllum innflutningi til Bandaríkjanna kemur frá löndunum 85. Nokkrir vöruflokkar eru þó undanþegnir nýju tollunum, þar á meðal olía og jarðgas, áburðu og nokkrar tegundir matvæla.Jamieson Greer, viðskiptafulltrúi Bandaríkjanna, segir markmiðið með tollunum vera að bregðast við mannréttindabrotum og tryggja sanngjarnari samkeppni. Í febrúar lagði Donald
