Stúlka, sem björgunarsveitir og lögreglan á Norðurlandi eystra hafa leitað að á og við Akureyri í kvöld, er fundin heil á húfi. Þetta kemur fram í tilkynningu frá lögreglunni á Facebook. „Lögregla þakkar þeim sem tóku þátt og aðstoðuðu við leitina,“ segir þar.Umfangsmikil leit að stúlkunni stóð yfir á Akureyri í kvöld og voru allar björgunarsveitir á Eyjafjarðarsvæðinu kallaðar út til að aðstoða lögreglu við leitina.Leitarsvæðið var stórt og að sögn vegfarenda var viðbragðið mikið. Leitin miðaðist við alla Akureyri en sér í lagi Glerársvæðið. Notast var við nokkra dróna og hunda við leitina.Uppfært klukkan 00:55: Fréttin var uppfærð eftir að stúlkan fannst. Við uppfærsluna var fréttamynd einnig breytt.
