Sviðsstjóri hjá Minjastofnun biður borgina um að flýta sér hægt áður en hún rífur niður áhorfendastúkuna í Laugardalslaug. Stúkan hafi mikið varðveislugildi út frá menningarsögu Íslands, en hann tekur þó fram að mannvirkið verði ekki endurbyggt nema því verði gefið nýtt hlutverk. Hann vill að Laugardalslaugin verði áfram skilgreind sem almenningsmannvirki fyrir borgarbúa, en verði ekki „eins og einhver hótelsundlaug á Tenerife“.
