Lítill þvottabjörn með óvenju kringlóttan líkama og stuttan háls hefur slegið í gegn á netinu eftir að íbúi í Seattle náði myndskeiði af honum. Myndbönd af dýrinu, sem hlotið hefur gælunafnið Jimothy, hafa fengið tugi milljóna áhorfa á Instagram og TikTok.Kiana Hall, íbúi í Seattle, kom auga á dýrið þegar hún var í kvöldgöngu með maka sínum. Hún hélt fyrst að hún hefði séð kött undir kyrrstæðum bíl og tók upp símann til að mynda hann. Þá skreið lítið grátt dýr fram úr skugganum.Lítill þvottabjörn með óvenjulegt vaxtarlag hefur slegið í gegn á samfélagsmiðlum. Stutti háls þvottabjörnsins gæti stafað af meðfæddum hryggjarliðagalla, sem greinist aðallega hjá hundum.„Ég varð mjög ringluð yfir því sem ég sá,“ sagði Hall í samtali við The Seattle Times. „Ég hef einfaldlega aldrei séð annað eins
