Hæð suður af landinu sem hefur mótað veðrið síðustu daga heldur sig á sínum stað og því er útlit fyrir svipað veður áfram. Vestlægar áttir leika um landið með hita og sól á Austurlandi en skýjum og dálítilli rigningu eða þokusúld annars staðar.Veðurspáin er svohljóðandi:Vestan og norðvestan þrír til tíu metrar á sekúndu og bjart að mestu, en skýjað vestanlands fram yfir hádegi. Suðvestlæg átt fimm til þrettán á morgun, hvassast norðvestantil. Skýjað á vestanverðu landinu og sums staðar dálítil væta, en annars léttskýjað. Hiti yfirleitt á bilinu 16 til 22 stig, en heldur svalara við vesturströndina.
