Teiknimynd sem fjallar um sundferðir ungs innflytjenda á Íslandi og þörfina til félagslegra tengsla hlaut fyrstu verðlaun í flokki stuttmynda á virtri franskri kvikmyndahátíð á dögunum. Leikstjóri og handritshöfundur byggir söguþráð myndarinnar að hluta til á eigin reynslu.„Myndin var frumsýnd í Annecy í Frakklandi, bara núna í júní og það var bara frábært af því að Annecy er stærsta animation-hátíð í heiminum,“ segir Fan Sissoko, kvikmyndagerðarkona. ÞARF AÐ BÍTA Á JAXLINN TIL AÐ BRÁÐNA EKKI OFAN Í SUNDLAUGINA Fan Sissoko skrifaði handrit, teiknaði persónur og leikstýrði teiknimyndinni Sundruð sem hlaut á dögunum fyrstu verðlaun í flokki stuttmynda á hinni virtu hátíð Annecy Animation Festival í Frakklandi. Myndin fjallar um ungan innflytjanda á Íslandi sem upplifir félagslegt tengslal
