Boðaðar breytingar á verðskrá í heilbrigðiskerfinu, meðal annars tvöföldun komugjalda á heilsugæslum, munu hafa bein áhrif til hækkunar á vísitölu neysluverðs í ágústmánuði, að sögn greinenda. Miðað við spár er útlit fyrir að verðbólgan haldist á svipuðum slóðum í júlí í kringum 5,2 prósent en muni síðan hækka nokkuð í næsta mánuði, skömmu áður en reynir á forsenduákvæði kjarasamninga.
