Á morgun, fimmtudaginn 16. júlí, er búist við hvössum vindstrengjum við fjöll og á heiðum norðvestanlands. Þetta kemur fram í tilkynningu frá veðurfræðingi Vegagerðarinnar.Samkvæmt spá geta vindhviður náð allt að 25 metrum á sekúndu á Steingrímsfjarðarheiði, í Húnafirði og Skagafirði frá hádegi og fram undir miðnætti. Einnig er gert ráð fyrir álíka hvössum vindi í austanverðum Öræfum síðdegis og um kvöldið.Aðstæður geta reynst sérstaklega varhugaverðar fyrir ökutæki sem eru viðkvæm fyrir hliðarvindi, svo sem húsbíla og ökutæki með tengivagna og hjólhýsi.Vegfarendur eru hvattir til að sýna aðgát og fylgjast með nýjustu upplýsingum um veður og færð á umferdin.is.
