Umræða um heilabilun hefur aukist í íslensku samfélagi og hafa slíkir sjúkdómar áhrif á talsverðan hluta þjóðarinnar. Öldrunarlæknir segir samfélagið almennt hafa mun meiri skilning á þessum kvillum en fyrir tólf árum og jákvætt að rætt sé opið um sjúkdóma á borð við Alzheimers. Minnisvandamál séu langalgengasta fyrsta einkenni heilabilunar og þá yfirleitt skammtímaminnisskerðing.
