Lögregla telur að Kastriot Pepaj hafi verið aðalmaðurinn við skipulag fíkniefnainnflutnings í Dettifossmálinu svokallaða og Sævar Örn Hilmarsson verið sá sem sá um samskipti við skipverja á Eimskipi sem fluttu efnin til landsins. Lögregla lagði hald á dýra muni við húsleit á heimili Sævars sem er einnig grunaður um alvarlega líkamsárás við Kórinn í Kópavogi í janúar.
