Félag sjúkraþjálfara gagnrýnir stjórnvöld fyrir skort á samráði í aðdraganda þess að kynnt voru komugjöld til sjúkraþjálfara sem taka munu gildi fyrsta september. Félagið bendir á hættu þess af því að gjaldtaka sem þessi geti dregið úr aðgengi, seinkað endurhæfingu og dregið úr líkum á því að fólk leiti sér aðstoðar. Brýnt sé að setja hámark á hve mikið skjólstæðingar greiði árlega í komugjald.
