Úkraínsk kona, sem er grunuð um sprengjuárás gegn úkraínskum milljónamæringi í Mónakó í júní, er látin. Tveir menn hafa verið handteknir, grunaðir um að ráða henni bana.Í lok júní gaf Interpol út alþjóðlega handtökuskipun á hendur Anastasiiu Berezovsku, þrjátíu og níu ára úkraínskri konu. Hún var talin hafa flúið Mónakó eftir að hafa komið sprengju fyrir í anddyri fjölbýlishúss með þeim afleiðingum að úkraínskur auðkýfingur og fjölskylda hans særðust.Samkvæmt aðstoðarsaksóknara í Mónakó fylgdist Berezovska með íbúðarhúsinu í aðdraganda árásarinnar og dulbjó sig sem karlmann þegar hún kom sprengjunni fyrir í síðustu viku. Þá á hún að hafa snúið aftur til Úkraínu tveimur dögum síðar, þar sem hún hafði samband við fjölskyldu sína og tvo menn, fyrrverandi lögreglumann og starfandi yfirmann hjá
