„Mér finnst gaman að gera erfiða hluti og taka á mig erfiðar áskoranir. Mér finnst gaman að vilja hætta og segja við sjálfan mig að ég ætli aldrei að gera þetta aftur en svo um leið og ég kem heim er ég farinn að skipuleggja næsta rugl,“ segir Egill Trausti Ómarsson langhlaupari er blaðamaður slær á þráðinn til að forvitnast um næstu hlaupaáskorun hans og Hrólfs Vilhjálmssonar félaga hans.
