Erik Tobias Sandberg, varnarmaður ÍA, er að stíga upp úr sjaldgæfum taugameiðslum sem urðu til þess að hann missti allan styrk og hreyfigetu í annarri hendinni. Alls var Erik frá í um átta mánuði en hann hefur spilað átta leiki fyrir ÍA í deildinni í sumar. Skagamenn fá Breiðablik í heimsókn í Bestu deildinni á morgun. Leikurinn fer fram á meðan bæjarhátíðin Írskir dagar standa sem hæst á Akranesi og má búast við mikilli stemningu. Fótbolti.net ræddi við Sandberg í aðdraganda leiksins.
