Þegar Víkingur, besta lið landsins um þessar mundir, undirbýr sig fyrir leiki eða þarf að bregðast við því sem gerist inni á vellinum er einn yngsti starfsmaður félagsins aldrei langt undan. Daníel Darri Arnarsson er aðeins 19 ára gamall en hefur á skömmum tíma unnið sér inn stórt hlutverk í teyminu á bak við Íslandsmeistaranna en hann er leikgreinandi liðsins. Í dag vinnur hann daglega með Sölva Geir Ottesen og þjálfarateymi meistaraflokksins ásamt því að hafa komið að verkefnum með yngri landsliðum Íslands. Í samtali við Fótbolta.net fer Daníel Darri yfir vegferðina og starfið sem er tiltölulega nýtt í fótboltanum hér á Íslandi.
