„Ég get ekki tjáð mig um málefni einstakra íbúa en heilt yfir hafa íbúar ekki orðið varir við atburðinn,“ segir Eybjörg Hauksdóttir, forstjóri Eir hjúkrunarheimilis í Grafarvogi, í samtali við DV um þann hörmulega atburð sem varð þar á sunnudag er öldruð kona, íbúi á heimilinu, féll fram af svölum og lést. Í samtali við Vísi sagði Eybjörg að um hörmulegt slys hafi verið að ræða. Segir hún lögreglu og viðbragðsaðila hafa verið kallaða strax til.
