Þrátt fyrir hægagang á skipum og ýmsar hindranir tókst að koma á fastalandið þorra þeirra nærri 1.000 farþega sem áttu bókað far frá Vestmannaeyjum í gær. Ms. Herjólfur siglir á aðeins hálfum hraða vegna bilunar í vél og Breiðafjarðarferjan Baldur, sem notuð er tilfallandi þessa daga til Eyjasiglinga, var í hægagangi í gær vegna tæknilegra atriða sem lítið mál verður að kippa í liðinn.
