Jóhann Freyr Hallgrímsson, 37 ára maður frá Akureyri, sem setið hefur í varðhaldi í fangelsi í Phuket á Taílandi vegna gruns um tilraun til þjófnaðar af leigubílstjóra, var leystur úr haldi á föstudag. Vinur hans og eiginkona greiddu upphæð sem nemur um 75 þúsund krónum, til að fá hann leystan úr haldi. Greiða átti upphæðina í reiðufé.Jóhann fékk meðfylgjandi skjal í hendur og var tjáð að yfirgefa ekki landið. Eins og sjá má er skjalið á taílensku, með taílensku letri, en þó með lágmarks upplýsingum á latnesku stafrófi.
