Kona sem árið 2024 var sökuð um að vera einn helsti þýfissali borgarinnar og selja þýfi úr félagslegri leiguíbúð sinni á Hringbraut í Reykjavík, hefur verið sakfelld fyrir peningaþvætti og fjársvik. Í ákæru var hún sökuð um að hafa móttekið og geymt myndavél af gerðinni Canon 80D og dróna af gerðinni Mavic Air 2, á heimili sínu, en munirnir voru ávinningur þjófnaðarbrots sem framið var í borginni sama dag. Flokkast brotið undir peningaþvætti.
