Viðskiptaráð hefur gert úttekt á efnahagslegum áhrifum þingmála ríkisstjórnarinnar á liðnum þingvetri. Samtals höfðu 52 mál markverð efnahagsleg áhrif og eru heildaráhrif þeirra nokkuð neikvæð. Áhrif eftir ráðuneytum voru ólík, en þingmál Jóhanns Páls Jóhannssonar, umhverfis-, orku og loftslagsráðherra og Þorbjargar Sigríðar Gunnlaugsdóttur, dómsmálaráðherra, skiluðu jákvæðustum áhrifum að mati ráðsins.
