Oft er snúið að sanna, með óhrekjanlegum hætti, hvers konar stjórnarfar leiðir til hagsældar og velmegunar og hvaða kerfi leiða eintómar hörmungar og eymd yfir þjóðir. Þá getur verið gott að leita í verkfærakistu samanburðarstjórnmálafræðinnar sem kennir okkur að finna tvö lönd sem eru lík að næstum því öllu leyti nema einu og bera svo saman hvernig þeim hefur reitt af.
