Manchester United hefur keypt stórt landsvæði þar sem félagið áætlar að nýr leikvangur félagsins muni rísa. Það er staðsett um 350 metra frá Old Trafford en þar er núna Go-Kart braut. United er að vinna að því að kaupa annað svæði þar við hliðina á og yrði þá komið með það pláss sem þarf fyrir nýja leikvanginn. Samkvæmt frétt Daily Mail telur félagið að ekki verði neitt vandamál að tryggja sér það svæði.
