Aukakosningar til breska þingsins vekja sjaldnast mikla athygli út fyrir Bretlandseyjar, en boðað er til slíkra kosninga þegar þingsæti í neðri deildinni losnar af einhverjum ástæðum. Í besta falli er litið á þær sem einhvers konar vinsældakosningu fyrir ríkisstjórn hverrar stundar, og svo er rýnt í úrslitin út frá því hversu vel eða illa þeim flokki sem hafði þingsætið áður gekk.
