Víkingur fer í heimsókn í Úlfarsárdalinn í kvöld í gríðarlega spennandi leik í 11. umferð Bestu deildar karla. Bæði lið koma á fljúgandi siglingu inn í leikinn en Víkingar hafa enn ekki tapað leik á leiktíðinni og Framarar hafa sótt 19 stig í síðustu sjö leikjum sínum í deildinni. Daði Berg Jónsson, leikmaður Víkings, sem sló í gegn með Vestra á síðustu leiktíð áður en hann meiddist, var í samtali við Fótbolta.net í aðdraganda stórleiksins.
