Stofnfundur samtakanna SJÁ fór fram á Kjarvalsstöðum í dag. Þetta eru ný samtök sem beitir sér fyrir að þjóðin segi „já“ í þjóðaratkvæðagreiðslunni um aðildaviðræður við Evrópusambandið í ágúst. Það sem greinir þessi sambönd helst frá öðrum samtökum er að hér er um að ræða fólk sem hefur ekki endilega gert upp hug sinn varðandi aðild að ESB. Markmið samtakanna er að búa til vettvang fyrir fólk sem hefur áhuga á því að sjá samning áður en að afstaða er tekin.Að verkefninu standa Berglind Guðmundsdóttir hjúkrunarfræðingur, Jónas Hagan fjárfestir og atvinnurekandi og Hjálmar Vilhjálmsson, framkvæmdastjóri. Þau eiga það sameiginlegt að telja mikilvægt að Íslendingar fái tækifæri til að kynna sér af eigin raun hvað aðildarsamningur við Evrópusambandið myndi fela í sér.
